Listi yfir úrskurðarnefndir
Smelltu á nafn úrskurðarnefndar til að fá fullar upplýsingar úm nefndina og hvernig það má leggja mál fyrir hana.
Úrskurðarnefnd í vátryggingamálum
fjallar um ágreining um bótaskyldu, þar með talið sök og sakarskiptingu milli neytenda og vátryggingafélags.
Úrskurðarnefnd um viðskipti við fjármálafyrirtæki
fjallar um ágreining viðskiptamanna við lánastofnanir (til dæmis viðskiptabanka eða sparisjóð), verðbréfafyrirtæki, eða dótturfyrirtæki þessara fjármálafyrirtækja. Einnig fjallar nefndin um ágreining um yfirfærslur á milli viðskiptareikninga milli landa. Fjármálaeftirlitið tekur við málskotum.
Úrskurðarnefnd fjarskipta- og póstmála
tekur fyrir kærur um ákvarðanir Póst- og fjarskiptastofnunar. Sá sem á verulegra hagsmuna að gæta getur kært hvort heldur er málsmeðferð eða efni ákvörðunar. Kæra þarf að berast nefndinni innan fjögurra vikna frá því að kæranda varð kunnugt um ákvörðunina.
Kærunefnd lausafjár- og þjónustukaupa
gefur álit á ágreiningi um réttindi og skyldur um neytendakaup, lausafjárkaup og þjónustukaup.
Úrskurðarnefnd um ferðamál
fjallar um kvartanir vegna ferða sem skipulagðar eru af ferðaskrifstofum í samtökum ferðaþjónustunnar.
Úrskurðarnefnd um þjónustu iðnaðarmanna
fjallar um kvartanir vegna fasteigna og kaupa á þjónustu iðnaðarmanna.
Úrskurðarnefnd um efnalaugar og þvottahús
fjallar um kvartanir vegna þjónustu efnalauga og þvottahúsa.
Úrskurðarnefnd lögmanna
fjallar um ágreining milli lögmanns og umbjóðanda hans um þóknun. Einnig um kvörtun á hendur lögmanni vegna háttsemi.
Kærunefnd húsamála
fjallar um ágreining milli eigenda í fjöleignarhúsum, milli leigjenda og leigusala íbúðar- og atvinnuhúsnæðis og milli leigusala og leigutaka lóða undir hús í frístundabyggð.
Úrskurðarnefnd um tannlækningar
fjallar um kvartanir vegna kaupa á þjónustu tannlækna.
Úrskurðarnefnd um Viðlagatryggingu Íslands
fjallar um ágreining um ákvarðanir stjórnar Viðlagatryggingu Íslands um greiðsluskyldu og fjárhæð vátryggingabóta.